24.12.2025
Dekabrın
24-də Konstitusiya Məhkəməsində “Konstitusiya və Suverenlik İli” çərçivəsində
Azərbaycan Dövlət Pedaqoji Universitetinin (ADPU) Quba filialının nümayəndə heyəti
ilə görüş keçirilmişdir.
Tədbirdə
Konstitusiya Məhkəməsinin hakimləri, Aparat rəhbərliyi və məsul əməkdaşlar, həmçinin
ADPU-nun Quba filialının direktoru, müəllim və tələbə heyəti iştirak edib.
Görüş
zamanı Konstitusiya Məhkəməsinin
fəaliyyəti, qərar qəbuletmə proseduru, ölkəmizdə məhkəmə-hüquq sahəsində
aparılan islahatlar və tətbiq edilən yeniliklər barədə məlumat verilib, həmçinin
Konstitusiyanın rolu, suverenliyin hüquqi əsasları, hüquqi maarifləndirmənin əhəmiyyəti,
ali təhsil müəssisələri ilə məhkəmə-hüquq orqanları arasında əməkdaşlıq
imkanları ətrafında fikir mübadiləsi aparılıb.
Qonaqlar səmimi qəbula
görə Konstitusiya Məhkəməsinin rəhbərliyinə və kollektivinə minnətdarlığını
bildiriblər. Daha sonra məhkəmənin fəaliyyəti ilə bağlı bir sıra suallar cavablandırılıb.
Tədbirin sonunda qonaqlar Konstitusiya Məhkəməsinin binası ilə tanış olublar və xatirə fotoşəkilləri çəkdiriblər.
