28.06.2022
Azərbaycan
Respublikası Konstitusiya Məhkəməsinin Sədri Fərhad Abdullayev İnsan Hüquqları
üzrə Avropa Məhkəməsinin sədri Robert Spanonun dəvəti ilə iyun ayının 24-də
“Pandemiya dövründə insan hüquqlarının müdafiəsi: yeni çağırışlar və yeni
perspektivlər” mövzusunda keçirilmiş Məhkəmə Seminarında iştirak etmək üçün Fransanın
Strasburq şəhərində səfərdə olmuşdur.
Məhkəmə
Seminarında pandemiya dövründə Avropa Şurasına üzv olan ölkələrdə insan
hüquqlarına qoyulan məhdudiyyətlər, pandemiya zamanı dövlətlərin üzərinə düşən
pozitiv öhdəliklər, milli məhkəmələrdə aparılan icraatlar və digər hüquqi məsələlər
ətrafında məruzələr dinlənilmiş, müzakirələr aparılmışdır.
Səfər
zamanı bir sıra Avropa ölkələrinin Konstitusiya Məhkəmələrinin sədrləri və
Avropa Məhkəməsinin hakimləri ilə işgüzar görüşlər keçirilmiş, qarşılıqlı məhkəmə
hüquq əməkdaşlığının praktiki məsələləri müzakirə edilmişdir.
