23.01.2024
Yanvarın
23-də Azərbaycan Respublikası Konstitusiya Məhkəməsində ATƏT-in Demokratik Təsisatlar
və İnsan Haqları Bürosunun Müşahidə Missiyasının rəhbəri İoğan Mörfinin başçılıq
etdiyi nümayəndə heyəti ilə görüş keçirilib.
Görüş
zamanı Sədr Fərhad Abdullayev seçkilərin ictimai-siyasi həyatın vacib proseslərindən
biri olmaqla demokratik cəmiyyətin mühüm amillərindən biri olduğunu qeyd edərək,
Konstitusiya Məhkəməsinin Prezident seçkiləri ilə bağlı Azərbaycan
Respublikasının Konstitusiyasında və qanunlarında təsbit edilmiş səlahiyyət və
funksiyaları barədə ətraflı məlumat verib.
Missiyanın
rəhbəri İoğan Mörfi məlumata görə təşəkkürünü bildirərək, Seçki Müşahidə
Missiyasının fəaliyyəti və məqsədlərinə toxunmuşdur.
Görüş
zamanı seçki prosesi ilə bağlı bəzi hüquqi məsələlər müzakirə edilmişdir.
Görüşdə,
həmçinin Konstitusiya Məhkəməsinin hakimləri və Aparatın məsul əməkdaşları
iştirak ediblər.
