29.11.2023
Noyabrın
29-da Azərbaycan Respublikası Konstitusiya Məhkəməsində ölkəmizdə işgüzar səfərdə
olan Misir Ərəb Respublikasının Məhkəmə-Dövlət
Şurasının nümayəndə heyəti ilə görüş keçirilib.
Görüşdə
Konstitusiya Məhkəməsinin sədr müavini, hakimlər və Aparat rəhbəri iştirak
ediblər.
Görüş
zamanı Azərbaycan Respublikası Konstitusiya Məhkəməsinin praktiki fəaliyyəti
barədə qonaqlara ətraflı məlumat verilmiş, qarşılıqlı məhkəmə-hüquq əməkdaşlığı
ilə bağlı fikir mübadiləsi aparılmış, iki ölkə arasında məhkəmə-hüquq əməkdaşlığının
gücləndirilməsinin vacibliyi vurğulanmışdır.
Qonaqlar
qeyd ediblər ki, səfərin məqsədi Azərbaycanda elektron məhkəmələrin tətbiqi, səmərəli
məhkəmə infrastrukturu, hakimlərin hazırlığı, elektron xidmətlər, məhkəmələrin
idarə olunması, vətəndaşlara yönəlmiş ədliyyə xidmətlərinin göstərilməsinin təcrübələrini
öyrənməkdir.
Görüşün
sonunda qonaqlar Konstitusiya Məhkəməsinin binası ilə tanış oldular və xatirə şəkilləri
çəkildi.
