08.12.2025
Azərbaycan Respublikası Konstitusiya Məhkəməsinin
hakimi Rəşid Rzayev 4-5 dekabr 2025-ci il tarixlərində Qazaxıstan Respublikası
Konstitusiya Məhkəməsinin və Xoca Əhməd Yəsəvi adına Beynəlxalq Qazax-Türk
Universitetinin birgə təşkil etdiyi “Böyük Çöl fəlsəfəsi və hüquq mədəniyyəti”
mövzusunda keçirilən Beynəlxalq Simpoziumda iştirak etmək üçün Qazaxıstan
Respublikasının Türkistan şəhərində səfərdə olmuşdur.
“Fəlsəfə, Ədalət və Humanistlik: Türk
Sivilizasiyasının Yeni Dövrə Varisliyi” mövzusunda keçirilən Plenar İclasda Qazaxıstan
Respublikası Konstitusiya Məhkəməsinin sədri Elvira Azimova və Qazaxıstan
Respublikasının Parlamenti Senatının deputatı Qıdıralı Darxan açılış nitqləri
ilə çıxış etmişlər.
Tədbirdə Böyük Çölün hüquqi ənənələrində türk dövlətlərinin
konstitusiya quruluşunun əsasını təşkil edən prinsiplər, insanın dəyərinin
tanınması, cəzanın mütənasibliyi, mübahisələrin sülh yolu ilə həllinə üstünlük
verilməsi kimi mövzularda konstitusiya məhkəmələrinin təcrübəsi üzrə məruzələr
dinlənilmiş və geniş fikir mübadiləsi aparılmışdır.
Konstitusiya Məhkəməsinin hakimi Rəşid Rzayev tədbirdə
qısa məruzə ilə çıxış etmişdir.
Səfər zamanı Simpozium iştirakçıları Xoca Əhməd Yəsəvi
türbəsini ziyarət etmiş, mədəni proqram çərçivəsində Türkistan Musiqili-Dram Teatrında
Abay Kunanbayevin “Qara sözlər” musiqili tamaşasını izləmişlər.
