18.11.2025
13-16 noyabr tarixlərində Konstitusiya Məhkəməsinin
hakimləri Rəşid Rzayev, Humay Əfəndiyeva, Aparatın Beynəlxalq hüquq və beynəlxalq
əməkdaşlıq şöbəsinin müdiri Səbinə Mirzəyeva Balkan Konstitusiya Məhkəmələrinin
Forumunun 3-cü iclasında iştirak etmək üçün Türkiyənin Antalya şəhərinə səfər
ediblər.
Balkan Konstitusiya Məhkəmələrinin Forumunun 3-cü
iclası çərçivəsində “İnsan hüquqlarının standartlaşması və konstitusiya ədalət
mühakiməsinin rolu” mövzusunda beynəlxalq simpozium keçirilib.
Bir sıra xarici dövlətlərin konstitusiya ədalət
mühakiməsi orqanlarının sədr, hakim və məsul əməkdaşlarının iştirakı ilə keçirilən
simpoziumda insan hüquqlarının standartlaşması və konstitusiya ədalət
mühakiməsinin rolu ilə bağlı konstitusiya məhkəmələrinin təcrübəsi üzrə məruzələr
dinlənilmiş, hüquqi müstəvidə geniş fikir mübadiləsi aparılmışdır.
Səfər çərçivəsində Azərbaycan Respublikası
Konstitusiya Məhkəməsi ilə Türkiyə Cümhuriyyəti Anayasa Məhkəməsi arasında qarşılıqlı
əməkdaşlıq məsələlərinə toxunulmuşdur.
