09.12.2025
Dekabrın 9-da Azərbaycan Respublikası Konstitusiya
Məhkəməsində Qazaxıstan Respublikası Ali Məhkəmə Şurası yanında Ədliyyə Akademiyasının
magistrantları ilə görüş keçirilib.
Görüş
zamanı Konstitusiya Məhkəməsinin hakimləri və Aparatın məsul əməkdaşları tərəfindən
Konstitusiya Məhkəməsinin praktiki fəaliyyəti, qərarların qəbuletmə proseduru və
Plenum tərəfindən qəbul edilmiş qərarlarda əks olunmuş bəzi hüquqi mövqelər, konstitusiya
ədalət mühakiməsi sahəsində beynəlxalq məhkəmə-hüquq əməkdaşlığı barədə məlumat
verilib.
Qonaqlar
səmimi qəbula görə Konstitusiya Məhkəməsinin kollektivinə minnətdarlığını
bildirərək, Azərbaycan Respublikası Ədliyyə Akademiyasında stajkeçmə proqramını
yüksək qiymətləndirmiş, Azərbaycan Respublikası Konstitusiya Məhkəməsinin fəaliyyəti
ilə bağlı bir sıra suallar vermişlər.
Tədbirin
sonunda qonaqlar Konstitusiya Məhkəməsinin binası ilə tanış olublar və xatirə
fotoşəkilləri çəkdiriblər.
