Türk Dövlətləri Konstitusiya Məhkəmələrinin Konfransı Təşkilatı yaradılıb

News

2022 Apr

27.04.2022

Türkiyə Konstitusiya Məhkəməsinin yaradılmasının 60-cı ildönümü münasibətilə İstanbulda keçirilən tədbirlər çərçivəsində Türk Dövlətləri Konstitusiya Məhkəmələrinin Konfransı Təşkilatı təsis edilməsi haqqında qərar qəbul edilib.

İclasda Azərbaycan, Türkiyə, Özbəkistan və Qırğızıstandan olan nümayəndə heyətləri iştirak edib. Qazaxıstan tərəfi isə iclasa onlayn formatda qatılıb.

Tədbirdə ölkəmizi Türkiyədə səfərdə olan Azərbaycan Konstitusiya Məhkəməsinin sədri Fərhad Abdullayevin başçılıq etdiyi nümayəndə heyəti təmsil edib.

Mərasimdə türkdilli dövlətlər arasında konstitusiya quruculuğunda əməkdaşlığın gücləndirilməsi və qarşılıqlı təcrübə mübadiləsinin artırılması, habelə məhkəmə sistemində aparılan islahatlar sahəsində birgə tərəfdaşlığı özündə əks etdirən çoxtərəfli sənədlər imzalanıb.