10.06.2021
Azərbaycan
Respublikasının Konstitusiya Məhkəməsi öz fəaliyyətini ictimaiyyət üçün daim
açıq və şəffaf şəkildə qurmağa çalışır. Konstitusiya Məhkəməsi gənc və yeni nəsil hüquqşünaslarının Məhkəmənin fəaliyyəti ilə tanış olmaları və öz biliklərini
konstitusiya ədalət mühakiməsinin həyata keçirilməsində tətbiqi üçün daim yeni
imkanlar yaradır.
Həmin
prosesin davamı olaraq Azərbaycan Respublikasının Konstitusiya Məhkəməsi elan
edir ki, Konstitusiya Məhkəməsi Plenumunun icraatına qəbul edilmiş sorğu və
müraciətlərə dair hüquq sahəsində öz biliklərinə güvənən hər bir hüquqşünas, o
cümlədən hüquq üzrə təhsil alan tələbələr öz yazılı rəylərini Məhkəməyə təqdim
edə bilərlər.
Plenumun
icraatına qəbul edilmiş sorğu və müraciətlərə dair rəylərin Konstitusiya Məhkəməsinin rəsmi internet səhifəsində “İşlərin baxılma cədvəli”
bölməsində göstərilən sorğu və yaxud müraciətlərin Plenumda baxılması nəzərdə
tutulan tarixədək göndərilməsi xahiş olunur. İcraata qəbul edilmiş sorğu və
müraciətlərin elektron formatlarını Məhkəmənin rəsmi internet səhifəsindən yükləmək
mümkündür.
İmzalanmış
rəylər müəllif haqqında qeyd olunan məlumatlar ilə birlikdə (adı, soyadı, şəxsiyyətini
təsdiq edən sənədin surəti, əlaqə nömrəsi, işlədiyi və ya oxuduğu müəssisənin
adı, elmi dərəcəsi) Aparatın Protokol və ictimaiyyətlə əlaqələr şöbəsinin
aşağıda göstərilən məsul əməkdaşlarının elektron poçtlarına göndərilə bilər.
Mövzu
(Subject) bölməsində sorğu verənin və yaxud müraciət edənin adı və tarixi göstərilməlidir.
Əlaqə
üçün:
Nigar
Yaqubova (nigar_yaqubova@constcourt.gov.az)
Səadət
Rəsulova (sadat_rasulova@constcourt.gov.az)
Telefon
nömrəsi: (012) 492 99 73.
